TREFEURIG

Plant yn chwarae

SEFYDLWYD CYLCH MEITHRIN TREFEURIG YN 1973 ER MWYN DARPARU A HYRWYDDO ADDYSG BLYNYDDOEDD CYNNAR TRWY GYFRWNG Y GYMRAEG AR GYFER PLANT PLWYF TREFEURIG, AC MAE WEDI PROFI’N LLWYDDIANT MAWR DROS Y BLYNYDDOEDD.

BYDD Y CYLCH YN CYFARFOD BOB BORE O 9.05 HYD 12.00 YN NEUADD Y PENRHYN, PENRHYN-COCH, DAN ARWEINIAD MRS GWENAN PRICE A’I THÎM O GYNORTHWYWYR BRWDFRYDIG. 
COFRESTRWYD Y CYLCH GYDAG AGGCC (AROLYGIAETH GOFAL A GWASANAETHAU CYMDEITHASOL CYMRU) I DDERBYN 26 PHLENTYN RHWNG 2½ A 4 OED, A CHROESEWIR CYMRY CYMRAEG A DYSGWYR.  OS OES LLE, CANIATEIR PLANT O’R TU ALLAN I DDALGYLCH Y CYLCH, AR YR AMOD BOD Y RHIENI’N CYTUNO I GYMRYD EU PLENTYN O’R CYLCH OS BYDD PLENTYN LLEOL YN DYMUNO LLE.

CODIR FFIOEDD O £20 YR WYTHNOS I BLANT DAN 3 OED, A £10 YR WYTHNOS AR GYFER PLANT DROS 3 OED (GAN FOD Y LLYWODRAETH YN CYFRANNU TUAG AT EU FFIOEDD HWY). GAN MAI ELUSEN GOFRESTREDIG YW’R CYLCH, MAE’N DDIBYNNOL AR FFIOEDD DISGYBLION, GRANTIAU GAN GYNGOR CYMUNED TREFEURIG A FFYNONELLAU ERAILL MEGIS CRONFA’R LOTERI, AC YMDRECHION RHEOLAIDD GAN RIENI A FFRINDIAU I GODI ARIAN TRWY DDIGWYDDIADAU MEGIS BOREAU AGORED, FFEIRIAU NADOLIG, A CHYNGHERDDAU.

MAE GENNYM ADNODDAU ADDYSGIADOL PWRPASOL, AC MAE’R AMGYLCHEDD YN UN GARTREFOL A CHROESAWGAR.  BYDD Y GWEITHGAREDDAU YN CYLCHDROI O AMGYLCH THEMÂU TYMHOROL, AC AMRYWIANT O WRANDO STORI A GWNEUD CREFFTAU AMRYWIOL, I GANU A CHOGINIO. 

CAIFF Y PLANT GYFLE I FYND AR DRIPIAU A MYNYCHU SIOEAU WEDI EU TREFNU GAN Y MUDIAD, YN OGYSTAL Â CHROESAWU YMWELWYR (MEGIS PLISMON Y GYMUNED) I’R CYLCH.  MAE’R RHAGLEN FLYNYDDOL HEFYD YN CYNNWYS DIGWYDDIADAU MEGIS DATHLIADAU NADOLIG A G?YL DDEWI, A MABOLGAMPAU.

DYFARNWYD SÊL ‘CYLCH RHAGOROL’ Y MUDIAD YSGOLION MEITHRIN I’R CYLCH AM EI RAGORIAETH YM MEHEFIN 2006, A DERBYNIODD ADRODDIAD FFAFRIOL IAWN GAN ESTYN (AROLYGIAETH EI MAWRHYDI DROS ADDYSG A HYFFORDDIANT YNG NGHYMRU) YN CHWEFROR 2007.